26.01.2025
Дүниежүзілік мұғалімдер ойындары: білім мен спортты біріктіреміз!

Халықаралық мектеп спорт федерациясы физикалық белсенділікті қолдайтын педагогикалық ұжымдардың өкілдерін 2025 жылдың 5-10 мамыр аралығында Францияның көркем оңтүстігіндегі Тулон қаласында өтетін Дүниежүзілік мұғалімдер ойындарына қатысуға шақырады.

Аталған ерекше шараның қатысушыларға ұсынатын мүмкіндіктері:

мектепті халықаралық деңгейде таныстыру;

әртүрлі елдердің әріптестерімен тәжірибе алмасу;

кәсіби құзыреттіліктерді арттыру және дүниетанымын кеңейту.

Қатысушылар халықаралық қауымдастық өкілдерімен кәсіби байланыс орната алады. Ойындар бағдарламасында достық жарыстар (көшедегі бадминтон, табиғи рельефте жүгіру, түнгі волейбол және басқа да белсенділіктер), шеберлік сабақтары мен білім беру іс-шаралары қарастырылған, олар кәсіби және жеке даму үшін пайдалы болмақ.

Спорт, білім және кәсіби өсуді достық пен ынтымақтастық аясында үйлестіруге арналған бұл мүмкіндікті жіберіп алмаңыз!

Сіздерді Тулонда күтеміз!