13–22 маусым аралығында Златибор қаласында (Сербия Республикасы) Халықаралық мектеп спорты федерациясының (ISF) ұйымдастыруымен мектеп оқушылары арасында баскетболдан әлем чемпионаты өтеді.

Аталған турнир биылғы жылғы ірі халықаралық мектеп спорттық іс-шараларының бірі болмақ және 18 жасқа дейінгі ұлдар мен қыздар санатындағы әлемнің үздік мектеп командаларын жинайды.

Жарысқа әлемнің әртүрлі елдерінен 60 команда қатысады, оның ішінде 31 ұлдар командасы және 29 қыздар командасы бар. Он күн бойы қатысушылар жоғары спорттық шеберліктерін, командалық рухтарын және мектеп спортының құндылықтарына адалдықтарын көрсете отырып, әлем чемпионы атағы үшін бақ сынайды.

Әлем біріншілігінің басты мақсаты – халықаралық ынтымақтастықты дамыту, түрлі елдердің жастары арасындағы достық байланыстарды нығайту және спорт арқылы салауатты өмір салтын насихаттау.

Сербияның жетекші спорттық-туристік орталықтарының бірі саналатын Златибор - әлемнің үздік мектеп баскетбол командаларының басын қосып, қатысушыларға халықаралық деңгейдегі жарыстарды өткізуге арналған заманауи спорт нысандары мен қолайлы жағдайларды ұсынады.

ISF әлемнің 120-дан астам еліндегі ұлттық мектеп спорты ұйымдарын біріктіреді және спорт арқылы білім беру, достық, құрмет пен адал ойын қағидаттарын насихаттайтын жетекші халықаралық ұйым болып табылады.