Бүгін Қытайдың Шанло қаласында мектеп командалары арасында волейболдан әлем чемпионаты бастау алды. Жарысқа бес құрлықтың 31 делегациясынан 1 074 спортшы мен ресми өкілдер қатысуда.

Апта бойы мектептердің үздік волейбол командалары саналатын ұлдар мен қыздардан құралған 62 команда жүлделі орындар үшін бақ сынайды. Матчтармен қатар қатысушыларды халықаралық достықты нығайтуға және тәжірибемен алмасуға бағытталған мәдени және білім беру іс-шаралары күтуде.

Ойындар қаланың төрт спорт нысанында орналасқан тоғыз алаңда өтеді, олардың қатарында жаңадан салынған Волейболшыларды даярлайтын ұлттық орталық та бар. Чемпионаттың басты ерекшеліктерінің бірі – кейбір кездесулердің ашық аспан астындағы аренада ұйымдастырылуы, ал жанкүйерлер үшін негізгі жарыс алаңының жанында ауқымды фан-аймақ жұмыс істейді.

Шанло үшін бұл чемпионатты өткізу - Халықаралық мектеп спорт федерациясымен ынтымақтастықтың кезекті маңызды кезеңі саналады. 2025 жылы мектеп оқушылары арасындағы әлем біріншілігін табысты ұйымдастырған бұл қала екінші жыл қатарынан волейболдан ең ірі халықаралық мектеп жарыстарын қабылдап, Қытайдағы осы спорт түрін дамытудың маңызды орталықтарының бірі ретіндегі мәртебесін нығайтып келеді.

Чемпионат әлемнің үздік мектеп командаларын бір арнаға тоғыстырып, халықаралық достық рухы мен жоғары ұйымдастыру деңгейін ұштастыратын мектеп спортының жарқын мерекесіне айналады деп күтілуде.