Бүгін Мектеп спорт федерациясының басшылығы Абай тігін фабрикасымен ынтымақтастық туралы келісімге қол қойды. Тараптар мектеп спортын дамыту, оның танымалдылығын арттыру және жас спортшыларды қолдау бағытында бірлесіп жұмыс істеуге уағдаласты.

Келісім жас спортшыларды сапалы әрі ыңғайлы, отандық өндірістегі спорттық киіммен қамтамасыз етуді ғана емес, сонымен қатар Абай тігін фабрикасының өнімдерін халықаралық нарыққа шығаруға қолдау көрсетуді көздейді. Сондай-ақ, спорттық жабдықтарды қазіргі заманғы жайлылық пен қауіпсіздік стандарттарына сай әзірлеуге ерекше назар аударылады.

Тараптар бұл ынтымақтастық мектеп спортын дамыту, отандық өндірісті нығайту және қазақстандық брендтердің жаһандық аренада танымалдылығын арттыру жолындағы маңызды қадам болатынына сенім білдірді.