Ұлттық мектеп спорты академиясы қазақ және орыс тілдерінде білім беретін бастауыш, негізгі орта және жалпы орта білім беру ұйымдарының дене шынықтыру пәні мұғалімдеріне арналған «Мектеп спорт лигасының қызметін жобалау және жүзеге асыру бойынша педагогтің кәсіби құзыреттерін қалыптастыру және дамыту» тақырыбындағы біліктілікті арттыру курсының білім беру бағдарламасы жобасын жария талқылау рәсімінің басталғанын хабарлайды.

Жария талқылау бағдарламаның интернет-порталда жарияланған күнінен бастап он жұмыс күні ішінде өтеді. Осыған байланысты, барлық мүдделі педагогтерді талқылауға белсенді қатысуға шақырамыз.

Бағдарламаның мазмұнын жетілдіру және оның тиімділігін арттыру мақсатында ұсыныстарыңызды, ескертпелеріңіз бен пікірлеріңізді білдіруіңізді сұраймыз.

Талқылауға қатысу үшін ұсыныстарыңызды осы интернет-порталда орналастырылған арнайы форма арқылы жолдауға болады.